O meu computador non arrinca

Asegúrese que os cables de enerxía do seu computador están enchufados firmemente e as tomas de enerxía están activadas. Asegúrese que o monitor está conectado e acendido. Se ten un portátil, conecte o cable do cargador (no caso de que teña pouca batería). Tamén pode comprobar se a batería está axustada correctamente no lugar (comprobe a outra parte do seu portátil) se é remprazábel.

Un compoñente do seu computador pode estar danado ou ser defectuoso. Se este é o caso, terá que conseguir reparar o seu computador. Os fallos máis comuúns son unha fonte de alimentación rota, compoñenentes instalados incorrectamente (por exemplo a memoria/RAM) e unha placa nai defectuosa.

Se o seu computador pita varias veces cando o acende e logo apágase (ou falla no inicio), pode indicar que detectou un problema. Estes pitidos coñécense normalmente como beep codes, e o patrón dos pitidos están pensados para darlle información do problema que ten o computador. Os distintos fabricantes usan diferentes códigos de pitidos, polo que terá que consultar o manual da súa placa base, ou levar a reparar o seu computador.

O primeiro que verificar é que o seu monitor estea conectado e acendido.

Pode que este problem se deba a un fallo de hardware. Os ventiladores poden acenderse ao presionar o botón de acendido, pero pode que outras partes esenciais do sistema non se acendan correctamente. Neste caso leve o seu computador ao servicio técnico.