Resolución de problemas en redes sen fíos

Levar a cabo unha comprobación inicial da conexión

Neste paso probará algunha información básica sobre a súa conexión de rede sen fíos. Isto faise para asegurarse que o seu problema de rede non é debido a un problema relativamente simple, como unha conexión de rede apagada, e para prepararse para os seguintes pasos na resolución de problemas.

  1. Asegúrese que o seu portátil non está conectado a unha conexión de Internet con fíos.

  2. Se ten un adaptador sen fíos externo (como un adaptador USB, ou unha tarxeta PCMCIA que se conecte ao seu portátil), asegúrese que está firmemente conectada ao porto correcto do seu computador.

  3. Se a súa conexión de rede está dentro do seu computador, asegúrese que o interruptor de rede está acendido (se ten un). Os portátiles normalmente teñen interruptores para a rede sen fíos que pode trocar premendo unha combinación de teclas no teclado.

  4. Abra o menú do sistema desde a parte dereita da barra sueprior e seleccione a rede Wifi, logo seleccione Preferencias da wifi. Asegúrese que o Wifi está activado. Tamén debería comprobar que o modo avión non está activado.

  5. Abra o Terminal, escriba nmcli device e prema Intro.

    Isto mostrará información sobre o seu hardware de rede e estado da conexión. Busque na lista da información e vexa se hai unha sección relacionada co adaptador de rede sen fíos. Se o estado é connected, isto significará que está funcionando e está conectado ao seu enrutador sen fíos.

Se se conectou ao seu enrutador sen fíos, pero aínda así non ten acceso a internet, o seu enrutador podería non estar configurado conrrectamente, ou o seu Fornecedor de servizos de Internet (ISP) podería estar experimentando problemas técnicos. Revise as guías de configuración do seu enrutador e ISP para asegurarse de que as configuracións son as correctas, ou contacte coa asistencia técnica do seu ISP.

Se a información desde nmcli device non indica que estea conectado á rede, prema Seguinte para continuar coa seguinte parte da guía de resolución de problemas.